लकडाउनको समय बढीमा १४ दिन थप गर्ने उच्चस्तरीय समितिको निर्णय

काठमाडौं । सरकारले करिब १४ दिन लकडाउनको समय थप गर्ने भएको छ । कोरोना संक्रमण न्यूनीकरण तथा नियन्त्रणका लागि गठित उच्चस्तरीय समन्वय समितिको बैठकले जारी लकडानको समय थप्ने निर्णय गरेको हो ।

उप–प्रधान तथा रक्षामन्त्री ईश्वर पोखरेल नेतृत्वको सो समितिको आइतबार बसेको बैठकलेले लकडाउन ७ देखि बढीमा १४ दिन थप्ने निर्णय गर्दै यो प्रस्ताव मन्त्रिपरिषदमा पठाएको हो ।

मन्त्रिपरिषदको बैठक आजै बोलाइएको छ भने मन्त्रिपरिषद्ले यसबारे आवश्यक निर्णय लिनेछ । सरकारले कोरोना भाइरसको जोखिम न्यूनीकरणको उद्देश्यका साथ गत चैत ११ गते बिहान ६ बजेदेखि लागू हुनेगरी एक साता लकडाउनको घोषणा गरेको थियो ।

सो लकडाउनको समयावधि चैत १८ गते बिहान ६ बजेदेखि सकिँदैछ । तर कोरोना संक्रमणको जोखिम अझै रहेको भन्दै समितिले लकडाउनको समयावधि लम्ब्याउने निर्णय लिएको हो । www.radionrn.com

प्रकाशित मितिः आइतवार, चैत्र १६, २०७६     4:55:38 PM

संवाददाता

See all posts by

Leave a Reply

Your email address will not be published. Required fields are marked *