कर्णालीमा १५ जना नयाँ संक्रमित थपिए, २४ डिस्चार्ज

६ भदौ, सुर्खेत । कर्णाली प्रदेशमा पछिल्लो २४ घण्टामा १५ जना कोरोना भाइरस (कोभिड–१९) का संक्रमित थपिएका छन् ।
सुर्खेतस्थित प्रदेश अस्पताल÷पशुपन्छी रोग अन्वेषण प्रयोगशाला, कर्णाली स्वास्थ्य विज्ञान प्रतिष्ठान जुम्ला, चौरजहारी प्रयोगशाला रुकुम पश्चिम र दैलेख अस्पताल प्रयोगशालामा गरिएको परीक्षणबाट शनिबार थप १५ जनामा संक्रमण पुष्टि भएकोहो । थपिएका संक्रमितमध्ये रुकुम पश्चिमका ६ जना, सुर्खेत, दैलेख र जुम्लाका दुई/दुई जना, बाँके, बर्दिया र नवलपरासी पुर्वका एक÷एक जना रहेको सामाजिक विकास मन्त्रालयको स्वास्थ्य सेवा महाशाखाका स्वास्थ्य शिक्षा अधिकृत नवराज कँडेलले जानकारी दिए । यससँगै कर्णाली प्रदेशमा कोरोना संक्रमितको संख्या २२४० पुगेको छ ।
यस्तै, कर्णालीमा शनिबार थप २४ जना कोरोना संक्रमित डिस्चार्ज भएका छन् । योसंँगै प्रदेशमा डिस्चार्ज हुनेको संख्या १९६९ पुगेको स्वास्थ्य महाशाखाले जनाएको छ । कर्णालीमा ६ जना कोरोना संक्रमितको मृत्यु भएको छ भने २६५ जना आइसोलेसनमा रहेका छन् ।

प्रकाशित मितिः शनिबार, भदौ ६, २०७७     9:11:12 PM

संवाददाता

See all posts by

Leave a Reply

Your email address will not be published. Required fields are marked *