जनतासँग जोडिन संघले हामीबाट सिक्‍यो : सभामुख शाही

सुर्खेत । कर्णाली प्रदेशसभाका सभामुख राजबहादुर शाहीले कर्णालीका जनताको चाहना बमोजिमको कानून निर्माणका लागि प्रदेशसभा प्रतिनिधिसभाभन्दा अगाडि रहेको दाबी गरेका छन् ।

प्रदेशसभाको दोस्रो उत्सवका अवसरमा आयोजना गरिएको अन्तर्क्रिया कार्यक्रममा उनले प्रदेशसभामा आएका विधेयकलाई जनतामाझ लिने अभ्यास प्रतिनिधिसभाले प्रदेशसभामार्फत सिकेको जिकिर गरे ।

‘हामीले जनतासँग प्रत्यक्ष सरोकार राख्ने विधेयकलाई कर्णालीका विभिन्न जिल्लामा लियौं, जनताको राय लियौं र त्यही अनुसारको ऐन निर्माण गरेका छौं ’उनले भने, ‘सकेसम्म प्रदेशसभालाई खुला सांसदको रुपमा विकास गर्न हामी लागेका छौं । प्रदेशसभमा जनताको पहुँच बढाउन हामीले विभिन्न प्रयास गर्दै आइरहेका छौं ।’

  • बुधबार पर्ने दोस्रो वार्षिकोत्सव समारोहको पूर्वसन्ध्यामा प्रदेशसभाले विभिन्न कार्यक्रमको आयोजना गरेको उपसचिव तेजप्रकाश जोशीले बताए । उनका अनुसार व्याडमिन्टन, कुर्सी दौड र घैंटो फोड्ने प्रतियोगिताको आयोजना गरिएको छ ।
प्रकाशित मितिः मङ्लबार, माघ २०, २०७७     5:22:52 PM

संवाददाता

See all posts by

Leave a Reply

Your email address will not be published. Required fields are marked *