चैत ५ गते आइतबार भएको निर्वाचनको परिणामले क्याम्पसको स्ववियु सभापतिमा अनेरास्ववियुका अक्कल सिजापतिले ९ सय ६७ मत प्राप्त गर्दै विजयी भएका छन् । उनले प्रमुख प्रतिद्वन्द्वी सत्ता गठबन्धनका तर्फबाट नेकपा माओवादी केन्द्र समर्थित अखिल क्रान्तिकारीका उम्मेदवार हिक्मत शाहीलाई ४ सय ७९ मतले पराजीत गरेका हुन् । उनका प्रतिद्वन्द्वी शाहीले ४ सय ८८ मत प्राप्त गरे । सचिवमा अनेरास्ववियुका भुवानीप्रसाद ढकालले ९ सय ४ मत प्राप्त गरेर विजयी भएका छन् । उनका निकटतम् प्रतिद्वन्द्वी नेपाली काँग्रेस समर्थित नेपाल विद्यार्थी संघका मिलन विसीले ४ सय ७२ मत प्राप्त गरे ।
कोषाध्यक्ष पदमा समेत अनेरास्ववियुका ललित रानाले सत्ता गठबन्धनका तर्फबाट साझा उम्मेदवारी दिएका अखिल क्रान्तिकारीका रामशरण विकलाई ३ सय २० मतले हराउँदै विजयी भएका छन् । उनले ७ सय ७० मत प्राप्त गरेका थिए । उनका निकटतम् प्रतिद्वन्द्वी अखिल क्रान्तिकारीका विकले ४ सय ५० मत मात्र प्राप्त गरे । कार्यसमितिको सदस्य पदमा समेत अनेरास्ववियुका सबै उम्मेदवार विजयी भएका छन् । अनेरास्ववियुका उम्मेदवार भरतबहादुर शाही–८ सय ५४, राधा रिजाल–८ सय ५९, गगन आले मगर– ८ सय ८४, जुद्द रोकाय– ८ सय ८८, दिपेन्द्र शाही–८ सय ३०, महेन्द्रविक्रम खड्का–७ सय ९३, निरा जैशी– ८ सय ५० तथा अशोक बराल मगर–८ सय ६९ मत प्राप्त गरेर विजयी भएका हुन् । निर्वाचनमा कुल १ हजार ६ सय ८१ मत खसेको थियो ।
स्मार्ट कर्णाली । ७ चैत्र २०७९, मंगलवार ०५:५८ बजे