काठमाडौँ। बाल मनोविज्ञानमा पारिवारिक कथा बोकेको चलचित्र ‘मेरी मामु’ युट्युबमा सार्वजनिक भएको छ। बुढासुब्वा डिजिटलको युट्युबमार्फत चलचित्र शुक्रबार युट्युबमा रिलिज गरिएको हो।
चलचित्रलाई यम थापाले निर्देशन गरेका हुन् । चलचित्रमा निर्माता सन्तोष सेनका ७ वर्षीय छोरा आयुब सेनको साथमा, सारुक ताम्राकार, नायिका अश्लेषा ठकुरी, कुसुम गुरुङ, दुर्गा मल्लको मुख्य भूमिका छ । यसअघि लभस्टोरी ‘चंखे शंखे पंखे’, ‘प्रेम गीत’, ‘प्रेम गीत २’ जस्ता लभस्टोरी जनरामा आधार रहेर चलचित्र निर्माण गर्दै आएको आशुषेन फिल्मसले ‘मेरी मामु’मा विशेष कथा उठाएको छ।
संवाददाता । २७ पुष २०७५, शुक्रबार १८:५८ बजे