जाजरकोटका पुर्व सांसद तथा सामाजसेवी राजिब बिक्रम शाहले जाजरकोटका युवानेता काली बहादुर मल्ललाई ललितपुर धापाखेलस्थित सुमेरू अस्पतालमा पुगेर स्वास्थ्य लाभको कामना गरेका छन । दुबै मृगौलाले काम गर्न नसक्ने अबस्थामा पुगेपछि युवानेता मल्ल अस्पताल भर्न भएका थिए । मल्लको बिषयमा जानकारी पाइसकेपछि पुर्व सांसद तथा सामाजसेवी शाह अस्पताल पुगेका हुन । सांसद शाहसंगै नेपाली काँग्रेस जाजरकोटका सचिव तथा युवा नेता खडक बिसी र रामजंग शाह समेत अस्पताल पुगेका थिए ।
नेपाली काँग्रेसका नेता समेत रहेका शाह हर जाजरकोटी जनताको दुखसुखमा उभिन बताउदै शाहले मल्लको उपचारमा एक लाख उपचार खर्च समेत उपलब्ध गराउने घोषणा गरेका छन ।
उनले मल्लको स्वास्थ्य लाभको कामना गर्नुका साथै प्रक्रियागत सहयोग समेत गर्ने बताएका छन ।
जाजरकोट घर भएका ३१ वर्षका मल्ल जुझारु क्रान्तिकारी विद्यार्थी नेता हुन् । लामो समय विद्यार्थी आन्दोलनमा लागेर एक वर्ष अघि मात्र उनले विद्यार्थी संगठनबाट विदा लिएका थिए ।
जाजरकोटी कम्युनिस्ट आन्दोलनमा पछिल्लो समय सशक्त युवा नेताका रुपमा देखिएका मल्ल एक वर्षदेखि मृगौला रोगबाट पीडित छन् । चिकित्सकका अनुसार उनको दुबै मृगौला ८० प्रतिशत काम गर्न नसक्ने अवस्थामा पुगेका छन् ।
केही महिना पहिले वीर अस्पतालमा जाँच गर्दा मृगौला रोगका
लागि परिक्षण गरिने क्रिटीनाइन इन्डिकेटर ५ रहेकोमा मंगलबार फेरि चेक गराउँदा बढेर १५ पुगेको पाइएको छ ।
स्वास्थ्य अवस्था निकै गम्भीर बनेपछि उनलाई काठमाडौं अस्पतालको आइसियु कक्षमा राखिएको छ । उनको मंगलबार आइसियुमा राखेर डाइलाइसिस गरिएको छ । मल्लले सधै पार्टी र आन्दोलनका लागि दिन रात खट्दा अहिले स्वास्थ्यमा खराबी आएको बताए । उनी जनयुद्धकालमै जाजरकोटको विद्यार्थी आन्दोलनको नेतृत्व गरेर आएका नेता हुन् ।
मृगौलामा केही समस्या देखिए पनि कमजोर आर्थिक अवस्थाका कारण उपचार गर्न नसक्दा अहिले गम्भीर अवस्था आएको उनले बताए । चिकित्सकका अनुसार उनको दुबै मृगौला प्रत्यारोपण गर्नुपर्छ । त्यसका लागि ठूलो रकम लाग्ने बताइन्छ ।
उनको उपचारमा लागेका मल्लका भाइ टेकराज मल्लले आफ्ना दाजुको मृगौला प्रत्यारोपणका लागि सहयोग गरिदिन देशविदेशमा रहेका सबै नेपालीहरुलाई आग्रह गरेका छन् ।
स्मार्ट कर्णाली । ७ चैत्र २०७५, बिहीबार १९:२६ बजे